2011年2月27日 星期日

Cafe Corridor

拉花咖啡既熱潮,簡直一浪接一浪,令唔鍾意飲咖啡既我都想周圍去試下,今次和朋友到了銅鑼灣時代廣場對面的一間隱蔽CAFÉ,一唔留意就已經過左,地方唔大,不過感覺幾舒服,每位客人也悠然自得地嘆著咖啡。

由於我唔飲咖啡的關係,對於邊間好而邊間唔好,我真係答唔出,所以當我以iphone尋找這間café時才知道,這間就是在銅鑼灣鼎鼎有名的café corridor,素聞這裡的咖啡沖得出色,拉花技巧又高。朋友來了一杯mocha,咖啡香味突出,個拉花亦都幾好,一塊清秀的葉子,飲到底都未散,證明拉花功夫灑家。




係黑板上見到今日有杯banana milk,好奇心推使下叫了一杯嘗試,只是一杯好普通的香蕉奶,而且十分之稀,證明order錯了飲品。材料只有蕉和奶,並不像奶昔般香滑,如同飲香蕉味鮮奶。下回真的不能叫這類飲品,還是咖啡最好。




這裡的all day breakfast都好似唔錯,下次有機會一定要品嚐一下。有時間真的要多些落黎hea一hea。

地址:銅鑼灣羅素街26A地下

2 則留言: