2011年2月17日 星期四

Applegreen

星期日永遠都係休息日,亦係品嚐brunch既好日子,可以休休悠悠咁過,而Applegreen就係最好既選擇,一來人流少,二來沒有趕客的情況,基本上可以由12點坐到5點半都無人阻,適合慢談。現在的餐牌同以前有了變化,變得比以前更加多選擇,所以再次分享呢到既美食。

而最令人興奮的食物莫過於Egg in the Hole,一大碟食物,那件egg in the hole更加令不少人著迷,我媽媽就是其中一個例子,常常都記掛著。整碟食物,都唔應該用碟來形容,應該用盤先岩來形容,整盤食物有火腿扒、腸仔、薯片、Egg in the Hole及一杯生果,份量大之餘,仲好均衡。一切開Egg in the Hole,蛋黃即像火山爆發般流出黎,充滿牛油香的外層沾上蛋黃汁後,倍覺美味。另外,食完腸仔同火腿扒後,都有少少肥膩,那杯生果正好中和了肥膩。但有一點不明白,以前明明是用薯絲,感覺比現在的更好味,薯片始終唔覺好味。




另外,Egg Benedict雖然味道不俗,可是個Holland sauce整得唔好,一patpat咁,唔係咁美觀。內裡有幾條露荀仔、煙火腿及半熟蛋,下面是一個muffin,配合醬汁一起食,整體味道都唔錯。




最後以lemonade作結,不要看少這裡的lemonade,是用上新鮮的檸檬汁加上糖水整成,味道清新,酸同甜味均衡,絕對可以用黎解除brunch既肥溜感。

這裡真是一個好舒適的地方,野食又好,waitress又好禮貌,得閒黎hea半日都唔錯。

地址:銅鑼灣羅素街2-4號2000年廣場2樓

沒有留言:

張貼留言