2011年2月20日 星期日

住家菜

經常在家沒有飯食的朋友,唔知會唔會同我有同一感受,突然好想食番一餐家常便飯之類呢。始終食得多美味的食飯,反而有些厭倦每天的大魚大肉,偶而一餐家常便飯都不錯。住家菜正是這類食肆,提供一些平常家裡的餸菜,又有老火靚湯,感覺置身家中一樣。

簡簡單單一個蒸豬肉、炒下豆苗,食得開開心心,最重要這裡是不下味精,感覺更好。是日老火湯係青紅蘿蔔湯,味道清甜,火喉足夠,一人份量兩個人分都每人有兩碗,實在抵飲。


上枱的是一碟叫咸蛋雞蛋啄豬肉的肉餅,個樣同屋企雙色蛋蒸肉餅一樣,其實都係一樣,只是改了個比較有趣的名字,賣相非常普通,味道卻唔錯,夠鬆化,用來撈飯一流。


今餐的目的是清淡,清炒豆苗就岩哂我,綠悠悠的豆苗,夠爽口,清清淡淡。


最後,沒有叫白飯,反而叫了一個章魚雞粒竹筒飯,飯粒夠乾身,煙煙靱靱,好香竹筒味,材料亦夠豐富,配上肉餅一起吃,正。


有時一餐半餐清清淡淡實在唔錯,好過去食粥啦,而且呢到唔加任何味精,食完又唔會口渴。

地址:銅鑼灣謝斐道460-462號百達中心地下