北京酒樓

今次這間北京酒樓已經有幾十年歷史，一路以來都客似雲來，一輪一輪，每晚都爆場。呢到勝在價錢實惠，本來D味道都好好食，但係最近兩次去，都覺得D味道無以前咁好食，隻鴨好"鞋"，小籠包係用難食形容。但係大致上其他野都OK架。

冷盤方面，對個素鵝情有獨鍾，每次都會食，呢到每碟既份量都好足夠架，冷盤係可以雙拼或者三拼，真係好隨意。右上圖係醬蹄，左下圖係肴肉，D顏色就真係一D都唔靚啦，右下圖係海蜇。

主角梗係隻鴨啦，不過呢到真係差左好多，一來呢間唔會拎隻鴨出黎係客面前片，二來好多時，碟鴨出到黎係冷既，真係唔止一次，而且正宗既應該唔會D肉多成咁，一片得五分之一係皮，鴨可以兩食，通常我都會做湯。

呢到既賽螃蟹，做得幾好，而且會有人黎同你撈埋，味道好好。松子魚既賣相真係不敢恭維，好似隻塊野咁，而山東燒雞D肉有D"鞋"，炒鱔糊炒得幾好，最尾係蟹粉豆苗。

小籠包真係一個字"差"，另一個叉子燒餅則配上炸菜肉末，就幾好，個餅烤得好脆同好香。

最後，呢間舖頭每枱都會送甜品，通常係高力豆沙。另外，我地叫了拔絲香蕉，高力豆沙都算好食，拔絲香蕉就真係無乜食到幾好食既。

地址：佐敦彌敦道227號1樓