2010年7月22日 星期四

Amaroni's Little Italy

又一城係一個好地方,又多好野食,Amaroni's Little Italy絕對係其中一間,平靚正,每人百幾,可以食到好飽。

大家去到呢到,d waiter 就會放低一籃麵包,香草包配上黑醋同橄欖油,係提升餐前小食。




呢到最吸引我,又係我最鍾意食既,就係白汁忌廉焗薯片。


平時大家可能食開既洋蔥小食,應該就係洋蔥圈,但係呢到既炸洋蔥絲,係好特別架。而個凱撒雞沙律,呢到做得好好,d菜好爽同好脆,d汁都岩岩好。


d牛扒都烤得好好,六七成,食落又juicy,又夠肉味。個大拼盤包含好多野食,少d人都唔食唔哂,有呢到既名菜rosemary chicken, 腸, 牛肉丸, 燴牛尾。黎到呢到,點可以唔叫pizza,個classic pizza份量真係好大個,但係我覺得唔係太好食。


接下來,梗係要叫d pasta,呢到既carbonara真係好美味,每條意粉都coat滿汁,d意粉好煙靱,另一個好味既就係雜菜蕃茄天使麵,素食既人岩哂佢地。意式千層麵雖然好食,可是實在太過濟。


呢到既甜品,首推tiramisu,真係好正,不過好可惜無影到相。另外,如果有人生日,記住提早同佢地講,佢地會送一個麵包布甸,呢個係我至愛。


地址:九龍塘達之路80號又一城LG1層32號舖