2010年7月29日 星期四

和宴

香港真係一個美食天堂,隨時隨地都可以搵到一間食店,我諗香港最多既唔係中式就係日式架啦。

好多人都鍾意食日本野,但係一提到燒烤,佢地都有個錯覺就係,所有燒烤野都係韓國野,其實佢地既分別,係清淡同濃味之分,日式烤肉會比較清淡,韓式會比較濃味。

係尖沙咀廣東道一座食廈內就有一間很好既烤肉店 - 和宴。食和牛一流,雖然價錢一D都唔便宜,不過質素十分之高。

雖然我今次只係去影左午餐Set lunch既相,不過都已經非常之出色。d牛肉紋理均勻,肉味濃郁,輕輕烤一烤已經非常美味。




豚肉間隔分明,好靚既五花腩片,烤熟後,一d都唔鞋口。而d牛舌都好肥美,每片烤過一番後,出了一些油,食落爽口。


無論環境、服務、食物質素都係頂級,無油煙,食完都唔怕,可以繼續行街買野,而且絕對係慶祝大時大節既好地方。


地址:尖沙咀廣東道100號彩星集團大廈5樓