2010年7月4日 星期日

Outback Steakhouse

黎到呢到,都要搵一間西式既講下,呢間澳洲餐廳係我最常去的一間。

佢D野食PORTION又大,味道又好,最欣賞佢既慢火燒烤燒牛肉五成熟,生得黎又食到肉味,真係好好味。

一坐低,諗都唔駛諗,一定要食佢個黑糖麵包,成日都叫佢俾多個。


頭盤梗係食下招牌洋蔥球啦同佢個炸磨菇,我平時唔食磨菇架,不過炸完點D汁,真係咩鮮味都出哂黎。


再之後梗係食埋個芝士煙肉著條啦,記住加多D芝士,好味好多。


食完小食,梗係入正題啦,最欣賞呢個燒牛肉,燒烤得剛剛好,裡面仲係我想要既5-6成熟。旁邊配上甜番薯同酸忌廉著仔,實行飽到想死。哈哈!


以下既意粉,我平時都好少食,因為剩食小食同主菜已經好FULL。


再黎一個烤雞胸同牛扒先,係到食,還是覺得食扒最好。


好可惜,每次都食到好飽,好少叫甜品,不過一定要食佢個CHOCOLATE BOWIE。同埋,得閒上網睇下佢有咩DISCOUNT,隨時有著數架。

地址:銅鑼灣百德新街22-36號翡翠明珠廣場2樓