小曼谷泰國美食

又到九龍城搵食啦，今次去到一間門口永遠都咁多人既舖頭，小曼谷，睇個名都知係食泰國野啦。

呢到既人龍長期都咁多人，次次都要等，我覺得呢間既串燒同沙冰係好好。生蝦刺身必食啦，夠爽口，又夠彈牙，價錢一般啦。串燒有好多款式俾你揀，味道好正，唔駛點沙嗲汁都咁好食。食雞全翼雖然麻煩，但係都會食黎食，因為燒得好好，同埋我好鍾意食燒腎，外面脆卜卜。

可能有好多人都唔會食泰國沙律，其實係一樣好好食既野，每份沙律都係人手逐份整既，由將D香料落個盅到磨，到上枱，每份都要經過一輪步驟，而且酸酸辣辣好開胃。下圖就係青木瓜絲沙律。

突然心血來潮，好想食呢到既明爐魚，揀左烏頭，配上D酸肉碎湯，又係一醒胃菜。咸魚炒椰菜苗同金邊粉都係OK既。

雖然呢間舖D野幾好，不過近期水準有向下滑跡象。D野唔知點解真係無咁好食，串燒仲可以保持水準。我會再去食，睇下有無改進。

地址：九龍城南角道8-10號