得龍大飯店

又黎一間我鍾意去既食店，呢間就係新蒲崗既得龍大飯店啦。呢間野既名不用多提，應該好出名，某大飲食網經常去眾會。呢到出名係食一d懷舊菜式。例如：大良野雞卷、金錢雞、鴨腳包、太爺雞同雞蛋焗魚腸等等，真係多不勝數‧

我每次去食都必定要叫太爺雞同金錢雞，但係金錢雞同鴨腳包係需要提早預訂既，如果唔係都好難叫到‧

雖然金錢雞同鴨腳包肥膩左d，但係未試過既真係要試一小舊，我覺得係需要一試既野，另外佢個蓮偶餅都有別於一般做法，出面通常都係將d蓮偶刴碎加入d肉到煎，但係呢到係將d肉夾係蓮偶到‧

D 砵酒焗桶蠔都整得好好食，不過好似用普通生蠔好食d，因為有d太大隻，唔係幾脆。

下圖既係話梅浸豬手、茄子盒、荔茸帶子盒同啫啫芥蘭煲。

食完哂之後，仲免費奉送桂芝杞子糕同紅豆沙，仲當晚我地就叫左西米焗布甸，呢個布甸記住落單前叫佢留定。

雖然呢到d交通係唔方便，不過我覺得一定要去試，同埋佢d餐牌成日都會改，不過d懷舊野就必定有架啦。

地址：新蒲崗康強街25-29號地下