2010年7月14日 星期三

銀座梅林

香港前排興開咩食店,梗係吉列豬扒啦,開到成行成市,梗有一間係左近。

今次既主角係係日本成百年歷史既豬扒店 - 銀座梅林。

呢間舖開係K11內,佢既入口真係好特別,雖然係同MARKET PLACE 同一層,不過商場內係無路通去個邊,只可以由地面入口入去,落到去,好似D舖頭裝修緊咁,咩野都無,只見一大批人係到等位。呢到既餐比某某出名既店略為便宜一點,不過D豬扒就分左兩種豬,有黑豚同普通豚,而我去的那天,他們介紹我食季節限定既金星豚(唔係好記得叫咩名,我就叫佢金豚啦),聽到個名好似好得意,只係比黑豚貴20,所以就試了。



整個餐既外貌確實比某某名店差,不過塊豬扒就真係好厚切。論味道,呢間D豬扒都唔差,不過中間位有D鞋,都有肥膏,皮夠鬆化同肉夠軟"林"。


但係講到D菜,真係比唔上某某名店既水準,但係呢到既醬汁比起上黎,都唔差,都有兩種沙律汁,不過豬扒汁就無左好香既芝麻碎啦。


每個餐都配上豬肉湯,但飲落激似加左豬肉既麵豉湯,D飯就不過不失啦,最後,以為都有生果食下,原來呢到係無生果既。

總括黎講,呢間已經比某幾間好好多了,有一間係旺角既,完全係唔想再去,大快活既厚切黑豚仲好食。

地址:尖沙咀河內道18號K11購物藝術館B124舖