香港都好多名人飯堂架，富記係其中一間，好多明星都去。呢間飯堂D野都幾有創意架，好似片皮雞，旭日初升之類，旭日初升係咸蛋黃帶子，平時都係咸蛋黃蝦個D，呢間就將蝦轉用帶子，感覺新鮮好多。
一開始，就講下旭日初升同黃金蝦先啦，咸蛋黃帶子真係幾好，雖然無左黃金蝦既脆卜卜，不過蛋黃同帶子既鮮甜，配合得好好，黃金蝦就更加好食，平時有D地方整到唔可以成隻食，但係呢間整到可以成隻擺入口，而且大小剛剛好。(D相影得唔好)
呢個係蜜汁燒鱔，我覺得麻麻地，同埋好細份。
另外，蓮藕餅就同平時個D差唔多，無咩特別，最攪笑既係個裝飾，用一舊白蘿蔔做座，插了幾支花。滑蛋蝦仁就做得好好，D蛋夠滑，蝦仁又夠爽口，呢個菜最重要就係兩樣野，決一不可。
黑椒班球，味道濃厚，幾好。下面個個係香橙牛仔骨，可以試，可以不試。
呢碟雖然唔係片皮雞，不過都真係幾好食，好嫩滑。
最後，D菜都係普普通通貨色，賣相一般啦。而D飯都麵同炒得好好食，因為我唔鍾意炒飯落D雜豆落去，所以覺得整個有D失色左，食得好少。
沒有留言:
張貼留言