世界盃剛過，大家飲住啤酒，咬住肉既日子都會結束。但係偏偏就有一間可以令你再提起勁去大口大口咁飲住啤酒，一啖一啖咁食住肉既好地方。
呢間德國餐廳，每晚都爆爆爆爆場，人氣好鼎盛。佢地既招牌菜梗係燒咸豬手同腸啦，再加上好多種類既麥啤俾妳揀，由淡至濃，由苦至甘，真係花多眼亂。
不過咁多樣野食之下，我偏愛佢個農夫包，佢所配上既罎醬，一個係香草芝士，另一個係牛仔肝醬，個牛仔肝醬真係好好味，一小塊麵包都用左成半罎醬。
食完麵包，就黎一個黑森林冷盤，實行咩都有D咁啦。
食左咁多前菜之後，都要到下我地D主菜啦，個豬手D皮真係好脆同香，D Waiter會係俾客人睇完之後，就將佢拆開，方便大家享用。而盤腸雖然好似好多咁，其實轉頭咩都無哂，有脆皮，有香口，有爽，總知就係好多味啦。
嗯，食完呢d主菜之後，都叫左一些黎填飽個肚既野，隻鴨估唔到都好好味，但盤天使麵就唔叫都得，唔好食既。
事實上係到食野，可以享受下佢既氣氛，真係好開心，不過有時都會嫌佢煩，因為一有人生日，佢隊live band就會唱生日歌，成晚不斷唱，短短個半鐘，都聽左成５－６次。溫馨提示，食腸加ｄ芥辣仲好食。
地址：尖沙咀梳士巴利道港鐵尖東站地面32號舖
沒有留言:
張貼留言