2010年7月8日 星期四

石澗日本料理

食左咁多間放題,我覺得呢間係我食過咁多間裡面,無論質素、環境同服務都係好好既。呢間放題隱藏在寶勒巷一個地庫到。價錢就$198一個,但佢就無任飲啦,但係D食物質素搭夠啦。

今次無咩影相,見到盤刺身同個蟹子沙律靚,所以先有影低。野食都有焗蠔,燒帶子,鰻魚等都幾好食。




野食就係得呢百幾樣,但係講到刺身就真係好新鮮。盤海膽就要加$28既。件件刺身都厚切既,帶子都好鮮甜。


再黎一個蟹子沙律,我地成班人最尾居然係不停Order呢個,每次個盤都唔同,好攪笑。


地址:尖沙咀寶勒巷21-23A寶利商業大廈地庫