〖米芝蓮一星〗新斗記

今篇就去講下中菜啦，講到中菜，一定要提下一聽起就想食既乳豬啦，新斗記就係香港其中一間整乳豬好出名既食店。所有乳豬上枱時都係熱辣辣，香脆無比，原因好簡單，客人落order時才去即燒，而且流量快。

呢間舖除左乳豬之外，都有好多招牌菜，例如：豉油王鵝腸、炒麵、咕嚕肉等等...真係好多，基本上d小炒都好出色。

呢到只係半隻，一睇就知道美味無比啦，師傅仲去哂肉與皮之間既肥膏，令而家d人食落都覺無咁油膩，不過對某d食家黎講，層膏先至甘香。

醉鴿酒味香濃，而且大大隻，唔驚無肉食，雖然大隻，係d肉好鮮嫩。

呢個薑蔥桶蠔，係最快俾人食哂，大家都搶住食哂d蔥，哈哈，再之後呢個並不是一般既粟米班塊，而係新鮮起肉既即炸班塊，不過食落係鮮味過冷藏貨既。

食埋個魚湯浸芥蘭及豉油王炒麵，真係好滿足。

地址：佐敦長樂街18號18號廣場地下及1樓