今篇會講一間普遍大家都認識既一間食吉列既食店，佢就係TONKICHI啦。
入得去食，基本上都係為左食佢D炸豬扒同椰菜絲。個餐牌無論有幾多頁，其實裡面都只係個幾樣野食。不用多介紹，必食既係炸豬扒。
呢一張相雖然有D OUT FOUCS，不過都睇到既，佢包含左七個餐，哈哈，有炸豬扒、蠔、帶子、蝦、神戶牛柳、豬柳同車海老。D牛柳真係好好食，不過就有D貴啦。成四百一個餐，但係入口即溶，回味無窮。不過成幾個餐一齊上，係唔靚架‧
下面就係滑蛋煮豬扒啦，平時食都係舖上飯面，呢到食就係分開上，同埋好多汁，唔會好似出面咁，D飯乾乾咁。
D餐逐個上，就可以見到擺得幾咁靚，嘻嘻，食呢個餐，我覺得加錢配個豬肉湯就真係好滿足，每次去都必定要飲，哈哈。
我既推介係豬扒配大蝦組合，食完包保滿足哂。
地址：尖沙咀廣東道100號彩星集團大廈B樓B室
沒有留言:
張貼留言