榮興小廚

一向都知道灣仔既美食到處都係，榮興小廚係我成日都聽見既名，好多人都話佢地D小炒好出色，前排就同同學一齊黎品嚐一下。

呢到都有好多招牌菜，有朱洪武豆腐，馳名蔥油雞等等。今次黎到呢到梗係試下佢地馳名野啦。

先黎一個朱洪武豆腐，係將一件豆腐切開，中間夾有一塊咸火腿，再拎去炸，再煮。味道真係幾好食。反而個蓮藕餅就爭少少，我覺得係我個日既野食裡面最唔好食既。

之後仲叫左幾樣野食，有干煸四季豆啦，菇菌煮菜苗同雞蛋炸魚腸。個四季豆雖然睇落好乾爽，但係都覺得唔夠乾身，差少少啦，味道搭夠。另外個兩個都好好食，個花甲好惹味。正！

終於到主角出場啦，蔥油雞，燒得脆卜卜，再配上碟上既蔥油汁，簡單就滋味無窮啦。張相影得唔好，睇落好似好差咁。

最後叫左兩碟飯同麵，一碟係濶佬炒飯同XO醬豬頸肉炒河。

總括黎講，味道好食，價錢實惠，每人百零蚊已好飽肚。

地址：灣仔船街7號寶業大廈地下至1樓