甜蜜蜜甜品專門店

食甜品又係香港人既其中一部份，以前D人就話飯係食水果，而家就係一定要食甜品先安落，講起甜品舖，又係成行成列咁，梗有一間係附近，呢幾年有好多地區甜品舖衝出佢地原本既地區。呢一間都唔算衝出的，不過佢地本來就唔係坐落尖沙咀，佢前身係紅磡既。個時為左一碗酥皮豆腐花，成日去幫襯，呢間就係甜蜜蜜啦。

下圖個個就係必食既炸香芒春卷伴芒果沙巴翁
，熱辣辣，好好味，皮好脆，點埋個凍冰冰既芒果汁，再加埋個個甜甜既沙巴翁，真係正。

黑白朱古力梳乎里配上雪糕，我覺得普普通通啦，不過都好重朱古力味，可能我本人唔係太鍾意食梳乎里既關係，不過又係一冷一熱，真係好襯。

呢到仲有好多正既甜品，不過未能盡錄，大家記住要去試。個人建議唔好太多人去，唔係搵唔到位。而且間舖唔係太大，又太多人去食，好迫，同埋等位時間都唔短架。

地址：尖沙咀厚福街5-6號地下2號舖