Noren

Noren係一間日本小店，最近人氣急升，雖然食物選擇唔多，不過勝在夠出色。

豚肉飯亦係小弟既喜歡食物之一，可是豚肉要煮得好，係好難架，嫩滑唔"鞋"口，而且無渣，真係難上加難。

今次呢間既豚肉飯真係好好味，仲畫龍點睛，加上一塊細細既青椒仔，豚肉肉質好嫩滑，火喉岩岩好，好大塊，但係一D都唔薄，可是飯粒就軟左少少，如果多少少煙靱感就最好啦。豚肉飯有一個餐，包前菜、酸薑同麵豉湯。前菜係大根沙律，好清新，不過係生既白蘿蔔，可能有好多人都唔會食，隔離兩枱就都無食了，其實都幾好食架。

另一個係佢既招牌焗咖哩飯，配料有幾樣選擇，蝦、豬肉同漢堡等等。今次選擇了漢堡，由於加了芝士在面既關係，整體感覺上升了，咖哩係日式咖哩，唔會辣，但係又唔會好似平時D日式咖哩咁甜，整體都幾好食，但漢堡感覺似肉餅，不過就好好味。由於成個焗既關係，D飯沒有豚肉飯的軟軟的感覺。呢個餐都係配上前菜、酸薑同麵豉湯。

環境格局好有feel，而且服務幾好，價錢又唔貴，可以當係飯堂。

地址：尖沙咀赫德道12-14號赫德大廈地下A舖