2010年8月19日 星期四

糖百府

唉! 差左。香港人就係咁架啦,一出名就係變質。好記得當時呢個舖只係開左幾日,我就特別約班朋友去試,個時既味道仲記得清清楚楚,係好清新既果味,但係而家我大部份只係食得到係加左好重奶既味既綿花冰。

當時我無記錯的話,仲同老闆傾左一陣,同佢講我地特別黎捧場,佢仲話第時會好多味,因為當時只係得5-6款味。個時,我最欣賞佢個芒果冰,正,又大碟,成座山咁高,配埋蜜瓜粒同芒果粒,真係好FRESH。




第二欣賞既係蕉冰,個時既感覺係好似將隻蕉雪硬佢,再用黎打冰,好濃厚既蕉味,好似食緊凍蕉咁。


之後就係宇治金時啦,濃濃既抹茶味,正因佢加左奶既關係,感覺好似飲緊green tea latte咁,加埋大大粒既紅豆,真係滋味。


朱古力味就幾好,不過我覺得普通左D,都係以上三個夠出色。


因有人唔食凍野既關係,我地都試左佢既湯圓,當真是普通貨色。


又要多一個唉,一次比一次唔好食,但係講番一句公道說話,佢地始終都係最好食既一間。哈哈!

地址:旺角黑布街99號地下