2010年8月15日 星期日

山頭火

久聞鰂魚涌既山頭火拉麵有幾咁好食,所以當知道 i-square 有時,就第一時間起程去試,雖然舖頭細細,但係等候時間都唔係太長。

當日試了幾樣野,覺得個日式撈麵好得意,因為平時都撈麵都係以冷麵為主,今次則以拉麵為題,配以一碗豉油湯底,感覺新鮮。麵條好彈牙,湯底都好鮮甜,不過就有一層油係面,但係食得拉麵都預左有層油,所以都唔係太介意,裡面有一隻糖心蛋,有d好似排骨既肉,實則似一碗排骨拉麵多d,整體配起上黎都幾好食。



我朋友則叫了一碗辣味麵豉湯拉麵,佢話辣味就欠奉,不過味道都幾好,因為個湯底好味,可是d材料就偏少。另外,我地order左煎餃子同一碟叉燒,餃子都係好曹通既貨色,叉燒就味道都夠味,可是價錢真不便宜。都係叫多碗都好d。


我會繼續去試多d,希望每一次都食到d正野啦。

地址:尖沙咀彌敦道63號國際廣場(iSquare)6樓608號舖