川福烏冬

係夏天既時候，我覺得食冰涼既野係最好既。冷烏冬係我只愛既選擇，平時都會係屋企煮黎食，因為涼透心，特別開胃。

係尖東個邊，有間係我心目中係幾好食的。川福烏冬同十勝豚丼係同一個集團，而且兩間舖中間係連住，好可惜係坐係川福個邊唔可以order十勝豚丼既野，如果可以，我一定叫一個冷烏冬配厚燒豚肉。

上面個個係豬軟骨掛烏冬配胡麻汁，烏冬彈牙有勁，絕對唔會一夾就斷，但係豬軟骨絕對唔係軟骨，d骨係煮唔"淋"，咬落係硬架，不過之前都唔係咁既，但係味道幾好。

上圖係雜錦天婦羅冷烏冬，個冷烏冬汁幾好，食完都仲夠味，可是天婦羅就相對差d，不過都係唔錯既，只是好似厚粉左少少。下圖個個就係全世界最肥既棒餃子芝士燒，用左好多芝士同牛油去整，食時係好好味，不過食完之後，會見到成盤都係牛油同芝士，食完一次，實肥好多，但係我覺得都要一試。另一個係七味雞翼，好香，皮好脆，肉也嫩。

雖然飲品買一送一，不過係好普通既野飲，黃色那杯是檸檬梳打，另一杯係提子梳打。整體黎講，烏冬出色，小食都可以，我還會繼續幫襯。

地址：尖沙咀加連威老道100號港晶中心地下65-66號舖