常嚐甜品

夏日炎炎，梗係想食一些冰涼消暑既野啦，常嚐甜品既招牌凍冰冰就係一個明智既選擇。

佢最近仲加左好多款味既凍冰冰，例如：榴槤冰、山竹冰同布冧冰等等，不過我就只愛食芒果，但係有個好得意既情景，就係發現次次食芒果冰冰都用唔同既芒果種，今次影相既係蘋果芒，佢用左半個芒果黎打冰，D冰打得好似雪葩咁，而且一入口，好冰涼，同埋好鮮甜，個冰冰成座山咁，有成一本書咁高。

上圖係火龍果布冧冰，其實只是用一個火龍果黎盛著D布冧冰，呢個凍冰冰一食落口就特別醒神，因為酸MEI MEI。而另一個菠蘿冰，我就覺得好似比較遜色，因為好似太甜。唔好以為係冰就覺得好易食哂，其實食完已經好飽，細食既，當飯食都得。

接住而來既係佢既招牌甜品，雪芝戀芭菲杯，內有雪糕、芒果、脆脆、芝士蛋糕，再淋上朱古力醬，整個組合配台得很好。另一個甜品，係冰火焦糖北海道牛奶朱古力布甸，賣相不好，但味道OK，望落去好似結左冰咁，上暖下涼，一次過有哂兩種享受。

地址：佐敦廟街249-251號地下B舖