金田長壽司

金田長壽司係我最近成日都會食既一間日本舖，每日都好多人去食，而家尖沙咀都有舖頭啦，唔駛山長水遠入去食。

刺身價格便宜，但係質素高，新鮮肥美。每塊三文魚刺身都間隔均勻，可以紋理太密，如果d紋理疏d，會更加好，因為靚既三文魚刺身應該d紋理疏d。

到呢到既主角登場，全港至大既珍寶帆立貝，真係比板x既大隻，因為板x既已經好大粒了，呢到原來仲大粒少少，食落真係好開心。另外，呢到既長壽司係首創，下面就係八吋八壽司盤啦，但係唔係樣樣都咁好食，我就比較欣賞三文魚、吞拿魚、鰻魚同牛油魚。

另一樣出名既壽司就係火山卷啦，一黎到就嚇親大家，因為實在太巨型啦。不過我覺得無咩必要去叫，賣點係「食你唔死，都飽死你」。哈哈，真係睇你受唔同啦。

d卷身整得幾好食，起碼炸軟穀蟹卷裡面係脆，而且味就又幾好，d卷又有特式。再者，個味噌煮牛脷，我真係好鍾意食。

我上次七點黎到，都已經開始爆場，而且有樣唔好，多人既時候有時間限制，呢樣野真係好唔鍾意。希望可以改善下啦，我鍾意一路食一路傾下計。

地址：尖沙咀柯士甸道118-120號業廣商業大廈1樓1室