我好鍾意呢間係紅磡既小店，店舖雖少，食物種類就真係幾多。
比較少有既水雲酢、煎一夜干之類，不過講到最多人黎呢到食既野，一定係個三個飯，忌廉汁吉列豬扒飯、咖哩吉列豬扒飯，同我既至愛鰻魚飯。我次次黎到，每枱都實有以上既其中一個。
鰻魚肥美，又厚又大件，足足有半條咁多，D飯軟硬度適中，整碗配合上黎真係好好食，而且價錢都唔係算貴，如果咁大件鰻魚黎講，算抵食。
呢個飯就係其中一個熱賣貨色，忌廉汁吉列豬扒，其實似飲緊忌廉湯，味道偏甜，食完有D滯，但係味道係幾好食架。至於個咖哩汁，我就未試過，因為每次入到去，都係食鰻魚飯。
這碟三文魚刺身想比之下，就比較失色，雖然嫩滑無渣，但係師父真係好刀工，切得好薄，如果厚切就一定更加好，刺身後面係昆布，感覺好新鮮，平時都係D唔食得既蘿蔔絲，同埋要讚既係WASBI，應該係即磨既。
呢個係椰菜雞卷，用椰菜包住D免治雞肉同雞軟骨，再放落去D高湯到煮。食落去感覺清新，而且鮮甜。
雖然食物好食同吸引，但係環境就真係好殘舊，另一方面，可以話好有家庭FEEL既，不過我都係比較鍾意光鮮D好。因為位與位都幾擠迫。
地址：紅磡明安街14號寶石戲院大廈地下D舖
沒有留言:
張貼留言