2010年8月11日 星期三

栢檔去骨海南雞飯

近排又興另一熱潮,海南雞飯熱,近來間間都打正旗號係星加坡文華飯店出身,但係又有幾多間係做得係好食?

呢間就唔係啦,雖然無名牌係身,但係D海南雞飯都做得好好食。




雞肉嫩滑有雞味,又唔肥膩,油飯味道夠,顏色就比較深,仲有D蔥係內。跟飯既醬汁有三種,都係薑蓉、蒜蓉辣椒汁同黑豉油,薑蓉係磨得好蓉既,所以D薑味出哂黎。雖然個黑豉油係好好味,不過就偏甜,好似食緊糖水咁,如果可以咸番少少就PERFECT啦。


唔講唔知,碗湯居然係好濃味,好鮮甜既例湯,如果以一個咁平既價錢,食到一個咁既海南雞飯都幾好。

地址:佐敦白加士街85號