肥高美食

肥高美食可能個名吸引唔到你去，佢有個招牌菜式就應該令到你去試。一味沙拉菜式已經令你有股衝動去試，哈哈，其實我就係俾呢樣野吸引左去試。

呢到首推沙拉蝦球啦，雖然我無影到相，不過我肯定好食過豬簽骨，因為佢D沙拉汁唔係出面見到咁簡單，佢加入左芒果汁落去煮，令到整體既甜味都突出哂，配以海鮮類真係絕配，但豬簽骨本身已經唔係有咩味既食材，所以要不斷去蘸汁食，絕對不建議去試，食沙拉骨都好D。

另外，呢到居然有生魚兩味食，而家好少地方仲有即劏生魚食了，第一味係用魚頭、魚骨、魚腩同魚尾去滾豆腐湯，顏色好奶白，味道幾清甜，好可惜，飲一啖湯已知佢加了花奶入去，加花奶調色唔緊要，但係奶味咁出就真係要改善一下。

第二味係炒生魚片，火喉岩岩好，好鮮嫩，而且唔油，最怕油淋淋，而且D魚片唔會散，實在十分之美味，不過D菜就好似黃左少少。

由於人數有限，我地改以春卷代飯，只是普通貨色，可以不食，不過用黎蘸沙拉汁食就岩岩好，都幾好。

地址：佐敦廟街228號地舖