2010年8月17日 星期二

品香樓

大排檔已經慢慢係香港既生活內絕種,取而代之既係一間又一間既小舖頭,係南山邨內就有一間街坊餐廳,同埋簡直係城大人既飯堂,價格便宜,食物質素都幾好。

呢到D小菜做得幾好,而且又夠鑊氣,每逢下晝同夜晚,都經常坐無虛席,日日爆柵。我覺得呢到既咕嚕肉同避風塘豬手,整得好好食,仲有一個黃金魷魚,即係咸蛋黃魷魚,雖然膽固醇極高,可是真係忍唔到口。



其他菜式都OK,無論人多同人少都咁岩,整體食物都幾好,最重要大家上完堂,有個地方可以hea下,大家一齊傾下計,同埋呢間店舖有d煎炸野整得特別出色。


地址:石硤尾南山村南豐樓平台商場 204-205平台, 210-213號平台