2010年9月1日 星期三

文華雞飯(新加坡)

海南雞飯係我其中一樣至愛,一個好食既海南雞飯已經不再只是雞好食就可以,應該係一個整體,雞、油飯、醬汁,連湯都已經不計了,太多店舖無供應真真正正既雞湯了。文華呢個名,基本上由新加坡過江黎香港所開既海南雞飯都用上,這間當然也是啦。

這間舖仔細細,瑟縮在一個天井內的文華雞飯(新加坡),只有三至四張枱,分店內及店外,以現在的天氣,坐係店外嚴如一個蒸籠,這個環境令我扣分不少。另一個係,出餐既速度同次序,明明係我Order先既,居然俾後來的兩枱客食先,同佢講時,佢就話黎緊,但最尾發現係漏左單,攪到我要第四枱先有得食,明明最早到同點餐既,但係最重要既係加加埋埋得十個客人,居然要等成20分鐘,由6:30黎到,等到7:00先有得食,十分無隱。


食物方面,本想一試佢地既肉骨茶,但係6:40點餐時,佢話賣哂,無得試,會唔會早得太緊要丫,晚飯時間都未到,尉經賣哂。海南雞係嫩滑既,唔肥,可是雞皮同雞肉分開得太緊要,好似雞皮同肉係分開煮咁。油飯唔太油,飯粒分明,幾好,不過唔熱既飯第一次食。醬汁既黑油經過調校,唔太甜,都夠鮮味,另外,薑蓉磨得好幼,個辣汁都夠辣,整體醬汁比雞更好味,配合上黎都唔錯。

但係經此一役,我唔會再幫襯,因為環境唔好,食物又唔係太吸引,我覺得灣仔那間好食好多。

地址:尖沙咀柯士甸路15A柯士甸大廈D舖

沒有留言:

張貼留言