2010年9月9日 星期四

八海山

近期少左食日本野,因為中菜既味道太吸引我了,經朋友提議,嘗試了好多滿足左我欲望既好食物,遲下會慢慢POST上黎。由於食得多中菜既關係,突然想食下八海山呢間日本野,因為對上次既經驗令我回味無窮,肥美新鮮既刺身放在眼前,怎會不心動呢。

可是今次黎到,感覺亦都嚇了一跳,質素好似低了幾個Grade咁。先講刺身,上次都有好好,但今次不單不好,而且仲落錯單添,明明叫了三文魚,佢話我指住五色魚生個一個位,但係我好肯定係同佢講要三文魚only(因為我朋友都聽住我落單,最重要係佢唔覆單),唔係要海贍呢d,佢攪笑到拎去刺身師父到叫佢拎起番d海贍同帶子,我變左要三色,唉,算啦,我照要,不過質素真係唔係太好啦,新鮮係既,不過唔夠肥美。今次呢個經驗,我叫野食時,係唔會手指指睇下食咩,估唔到d侍應唔係聽妳落單既,係睇你指咩架,大家小心d啦。




再睇下d壽司,十足十好似超市買到個d咁,無色無味既,d海贍色澤唔靚,而且係乾身,我都唔明點解會乾身,溶左就聽過者,乾既真係第一次試,海鰻同三文魚都唔好得幾多,三文魚無味,海鰻太硬。


雖然今次既刺身唔係咁好,但係d熱物反而整得幾好。時有叫開一個叫日式雪菜炒飯,佢係好好食既,不過今次叫左其他野食既關係,放棄了。下圖既鰻魚蛋卷,整得香口兼鬆軟,蛋味夠,又唔會太甜。餃子雞翼燒得脆口,d餡都好好食。


睇完成個餐牌之後,發現呢到有燒雞皮食,即刻order左一個,真係好正,雖然唔健康,但係小食一次半次都唔緊要既,佢d串燒物同炸物都整得幾好架,起碼燒完係脆身得黎,唔會太燶,而且雞皮香口,真係一個好小食。另外,個地獄餃子鍋,喜出望外,估唔到咁正,食完仲不斷飲湯,好香濃既豬骨湯底,而且辣辣地,十分惹味,但d餃子由於我地遲食,俾d湯浸得"林"左。


下圖就是呢到既前菜,必定要收錢既,每位20元正,雖然係又細又貴,但係佢既前菜每次都唔同,有d好特別既前菜的,今次係醋漬青瓜及昆布配上一小塊照燒鰻魚。


雖然今次既經歷唔好,不過我會再繼續去,我估係我今次唔好彩的。

地址:銅鑼灣駱克道491-499號京都廣場6樓

沒有留言:

張貼留言