2010年9月13日 星期一

柊亭

近來發現現在很多高級餐廳都會推出午餐精選,而且質素都有晚餐既咁好。柊亭係位於灣仔既QRE內,差不多整橦都係餐廳,28及29樓都係佢地既位置。環境舒服,感覺非常咁好。

午餐套餐價錢由78-148不等,總共有十幾個餐俾客人選擇,而且餐單會定期轉的,逢星期一、三及五用一個餐牌,二及四會用另一個。今次我地一行三人叫了兩款三個餐,一款係吉列豬扒拉麵配雜錦刺身,估唔到拉麵既湯底係異常香濃,味道濃郁,麵既質地都好彈牙,我食完D麵,差D連湯都飲哂,吉列豬扒厚身,炸起之後,外脆內嫩,十分好,可是刺身就好似唔見得場面,好少,又唔靚,我唔介意只俾一隻刺身,但係都唔好得每樣一件,有失大體。



另一個都係吉列豬扒,不過呢個係用黑豚,係一個吉列黑豚豬扒定食,出面有名既吉列豬扒店係用椰菜絲,但呢到真係好有趣,係一整段俾你。呢個果然比普通豬扒鮮嫩,而且大塊一些,都整得幾好。


飯後會有一個甜品及一杯餐茶,甜品十分的骰,一個乒乓波咁大,不過佢係好香濃既牛奶布甸,唔太甜,一個字,正!


環境如早前所講,十分寬敞舒適,而且每枱都有唔同既花朵點綴。


呢間餐廳,我俾9分,我一定會再黎食,有機會會黎食晚餐試下。

地址:灣仔皇后大道東202號QRE Plaza 28樓