2010年9月5日 星期日

鳳城小食

香港人至愛既飲品,絕對係一杯港式奶茶,雖然近來慢慢俾外來的咖啡店侵佔奶茶既地位,但係仍然有一大班忠實既支持者。我從小到大都少飲奶茶,可是這裡既奶茶,偏偏就令我愛上它。

一杯茶走(即係奶茶唔落糖同花奶,只落煉奶),來到時已聞到芳香撲鼻,再細嚐一啖,發覺香濃順滑無比,令人一再回味,而且價格便宜,貫徹一般小茶檔既特色。




早餐時份,配上一份三文治,已足夠一個朝早既能量去工作,三文治雖然普通,勝在即叫即做,每件都熱辣辣。唔夠飽,仲可以加配一碗豬扒麵,豬扒唔係用紙咁薄既黎做,所以食落唔會太乾,而且有濃郁既蒜香,十分美味。除此之外,豬扒包做得好細心,平時出面食開既豬扒飽都係用無骨豬扒,可是呢到用既都係有骨豬扒,大家一定覺得好麻煩,點解食個包都要有骨,但係佢地會將舊骨切出o黎,擺係個碟邊,我覺得骨頭旁既肉先係美味所在。

呢度每朝都有一個有趣既現象,一行到去附近,就會聽到茶少,茶走,一蛋治,二腿蛋,不斷既叫喊聲,仿佛到了一個熱鬧既街市。其實從中可以見到,香港人以前老一輩既生活習慣,一定來到茶檔嘆一杯奶茶或咖啡,食件三文治就匆匆開工,但我地呢批八十後,朝早唔係starbucks,就係KFC、麥記,早餐仲豐富過Lunch,飲汽水仲多過飲水。醫生都講過,朝早飲凍野對腸胃唔好。

地址:灣仔交加街18號地下A1號舖




沒有留言:

張貼留言