2010年9月20日 星期一

味吉拉麵館

呢間拉麵館係一個連鎖集團既,應該就係UCC啦,不過無論由外面同裡面都睇唔出係出自UCC集團。今次去到既就係MEGA BOX那一間。MEGA BOX內裡表面好似好多野食選擇,但係其實都係無咩邊間好食,咁岩經過呢間,佢地又開左無耐,又未試過,所以就入去試啦。

太約六點四十五分左右,裡面已經坐得八八九九了,我地被安排到一個面對住停車等客區既位置,雖然地方唔迫,但係都唔係太舒服,因為坐位都排得幾密。

首先要講既係佢地既串燒,無論擺盤同味道都好好,外層燒得香口,內裡則肉汁豐富,而且有淡淡既一股鹽味滲出,因為我地叫了鹽燒,呢到係可以Order汁燒的。




另外,拉麵要左地獄湯底,湯係幾好味,不過D麵就好一般,而且湯碗雖大,可是拉麵卻是不多。叉燒叫過得去啦,可是好似太肥。


牛肋肉冷烏冬,肉和烏冬係分開上枱的,牛肋肉是經過燒,頗為乾身,但都不失鮮味,而且用上大量香料,食落都十分惹味,由於有不少肥膏附著,略嫌肥膩左少少。但冷烏冬真係要一讚,個湯汁十分美味,好鮮甜,烏冬則煙靱有咬口,涼冰冰的,不會像並他地方般係暖既,冷烏冬放在竹席上,有助隔去多餘既水份,因為呢點,佢地真係做得好好。


總括黎講,呢到既拉麵都係係普通,可是串燒及烏冬可以一試再試。

地址:九龍灣宏照道38號Megabox1樓L102號舖

沒有留言:

張貼留言