2010年9月14日 星期二

May's Cookies

香港而家真係好多間賣曲奇既舖頭,呢一間係灣仔一個好隱閉既地方,如果唔係為左一試呢間既曲奇,我諗永遠都唔會黎到呢個進教圍既地方。

呢間舖頭主打一口可以放落口既曲奇同物Crunch Cake,因為Crunch Cake要買一個既關係,我諗我都暫時未有呢個機會黎試了。

入到舖頭,服務員都好有禮貌地介紹各款曲奇,仲可以不斷試食,我為左呢到既檸檬曲奇而黎,當然第一款即刻試啦,我同朋友試完都默不出聲,因為我地都覺得好淡,完全食唔到有檸檬味,雖然服務員已提醒我們,這款檸檬曲奇係唔鬆化,但都無理由唔似曲奇既口感的。試完檸檬味之後,都有試到其他,一試到牛油曲奇時,雙眼發光,因為真係好香牛油味,而且好鬆化,一咬就散,十分好味,我就立即買了這款了。一開盒,一陣好香既牛油味飄出,我已急不及待食了幾塊。

我覺得曲奇只有牛油及杏仁比較好,其他都好普通,如果有機會,真係要試下佢個Crunch Cake。


地址:灣仔進教圍6號地下