2011年5月4日 星期三

大光燈麵食巷仔雲吞麵

最近心情還未真正平伏,無乜心機寫野,所以會比平常更加差,希望大家見諒。今次因為要去紅磡辦事,特地行過隔旁的大光燈。呢個地方隔涉,都只不過間唔中會入去,始終附近太多殯儀辦事的地方,朋友都唔太鍾意,難得有機會,一定要品嚐。
這間麵舖不會像麥X記或何X記般出名,但味道有過之而無不及,雲吞非常出色,最重要大件夾抵食,大碗有九粒,真係非常多。
雲吞是舊式版,細細粒,一口一粒,內裡豬肉與蝦肉比例是二比一,豬多蝦少,令到雲吞更加好味,而且湯底亦有相當清甜。雖然我只是剩食雲吞,但我平常去食時,一碗雲吞麵都有六粒之多,證明真的非常抵食。
這裡位置偏僻不特止,連營業時間亦都很特別,由下午四時開始,至凌晨三時半左右。想食個lunch也不能,不過當宵夜食,真的最好不過。
地址:紅磡漆咸道北248號

2 則留言:

  1. 食丹麥酥有無好介紹?

    回覆刪除
  2. 就係酥皮麵包個類
    我都係揾到 simplylife bakery 好食 , 想揾多幾間

    回覆刪除