富記粥品

富記粥品既招牌當然係粥啦，但係佢既炒粉麵飯都唔錯的，小時候經常到此，不過我已經無乜印象了，都是阿媽幾年前同我講，在我細個時，原來好鍾意黎呢到食燒鴨粥，但現在仲有沒有就不知道了。可是今次到來，沒有叫粥，始終天氣咁熱，都唔想食粥，只是叫了兩個小菜及一碟炒麵。

今次亦是專誠來試滑蛋蝦仁，有好多食評都曾介紹這裡的滑蛋，雖然沒有晶瑩的蛋汁，但就相當之滑溜，不太生，又不太熟，加入韭黃及香蔥後，香氣更香，蝦仁則非常爽口，可是始終是冰鮮蝦，蝦味較淡。

本來蒸肉餅與白飯是最佳組合，但剩吃也不錯。肉餅鬆化，不會太結實，魷魚比想像中少，可是用上了鮮魷，鮮魷具咬口，稍稍有了一點安慰。如果使用乾魷魚會更加好，香味與海水味並重，整體都算不錯。

最後，當然要了一個排骨炒麵，用了兩面黃炒麵，脆卜卜配上少少濕潤的排骨，形成強烈的對比，味道也不賴，可是排骨肉質好差，太過稔身，而且骨多過肉，失算了。

其實富記的粥品真的不錯，軟綿綿的粥底，加上非常新鮮的及第材料，真的是一碗美味的生滾粥，另外，燒味亦是強項，燒鵝更加是皮脆肉嫩，美味。但這裡的環境就是那種食完要即走的小店，店子不大，通道狹窄，座位排得密密麻麻。

地址：旺角花園街104-106號