2011年5月3日 星期二

五代同糖

五代同糖都差不多成為了我指定的甜品舖之一,款式多,亦夠新穎,無論中或西都有齊。不過西式甜品當然會比中式甜品勝一籌,而當中的雞蛋布甸也不用再多講,是鎮店之寶,香濃滑溜,配上焦糖底,更加美味。




椰皇燉北海道牛乳滿有椰皇的香氣,當中有椰皇的味道,亦富有濃郁的奶味,也不會太甜,而且相當滑溜,不過就比較稀身,唔夠結實。芒果黑糖牛乳布甸則有點到喉唔到肺,配合上來,有點不倫不類。



心太軟配雪糕是不可多得的佳品,心太軟水準高,有相當顯著的流心效果,外層還相當脆口,而且朱古力濃郁,配上雲尼拿雪糕,十分美味。


疏乎厘當中以薑汁最好味,焗得夠企身,薑味適中,不會過辣,又不會過甜。朱古力味則平凡得多,朱古力味不重,比較硬身。芒果味則顯得好味得多,有粒粒的芒果,甜度亦剛剛好。不明白這裡的甜品為何要下這麼多的糖霜,令表面十分之甜。


火焰雪山已經很久也沒有看見了,本應是上枱才點火的,增加觀感。但這裡放棄火燒,轉為焗製,雪山是一堆蛋白泡沫,焗後非常鬆化,但甜度相當高。內層則有綠茶雪糕及蛋糕,使整個火焰雪山不會太滯。


肉桂炸香蕉卷肉桂味很重,味道一般,香蕉炸後,吸入了很多油份,而且很甜很膩。白果腐竹糖水又是一道非常普通的,還有片片的腐竹未能溶化。幻彩千虹相比幻彩明珠,真的相差不知了多少倍,不吃也罷。


雖然我經常來,可是真的有每況越下的情況發生,怎樣也好,希望他們可以維持水準。
地址:多間包括(旺角,尖沙咀及銅鑼灣)






5 則留言:

  1. 無錯,我都有2間店keep唔到水準拉黑左

    回覆刪除
  2. 雞蛋布甸的確幾好味~不過疏乎厘唔太好食......

    回覆刪除
  3. 雞蛋布甸我都覺好味, 好滑又好濃味.....外賣裝5X有6個..都幾貴~~ 心太軟都唔錯, 不過真係好漏, 食一半已經好飽

    回覆刪除
  4. 夏麵館 , 銀座藏人

    回覆刪除
  5. Zysk C, 我係Ruby.五代同糖在那裡?

    回覆刪除