大歡喜筵席盆菜

每年一度的盆菜宴又到了，約齊一大班人圍埋一齊食，又開心，又溫馨，大家都趁呢個時候黎聚埋一齊。每年新年都會揀一日去大歡喜到買盆菜，既好食，又飽肚。

一大盤盆菜由好多唔同既材料砌成，基本係底層既有蘿蔔及芋頭，再上一層係魷魚、豬皮、冬菇及枝竹，之後有燜豬腩肉、魚蛋及蠔豉，最上面舖有油雞、蝦及鮑片。食盆菜當然一層一層咁慢慢食落去，面頭的蝦我唔好，所以無食。鮑魚片由於舖面，沒有吸入任何汁料，所以只有淡淡的味道。油雞雞肉嫩滑，味道幾好。

要數最好味的一定是豬腩肉，非常之鬆化，放入口，已有即溶的感覺，真的令人難以忘懷，即使膽固醇極高也在所不計，一舊接一舊。另外蘿蔔稔身沒有渣，已經吸入了了汁的精華，完全又是一舊接一舊。整盤最受歡迎反而是最平價的蘿蔔。

其餘材料都好好味，不過一年食一次好了，因為實在太大盤，大家都為了食哂佢，食到捧住個肚，而且膽固醇極高，但未食過的，一定要試，唔好再去食出面快餐店的出品，完全係兩回事。

地址：元朗教育路74-76號地下

台灣牛肉麵

細數香港的台式牛肉麵，一定不能錯過台灣牛肉麵這間食店，歷史悠久，是為數眾多的牛肉麵既始祖，還記得小時候爸媽經常帶我到這兒食飯，原因是我喜愛這兒的鹵肉飯，並且特別對九龍城這間店子有著一份感情。除了感情外，味道都是這間最好，很多分店都已經關門大吉，只餘下尖沙咀兩間及九龍城。

店內裝修帶有古舊的味道，木製的枱及櫈都帶有歲月的痕跡，正好給食客有傳統的格調。這裡以紅燒牛肉麵作招牌，可是時移日轉，慢慢地變成了一間台式小菜館，除了麵食外，還有不少熱炒類供選擇。這次的目的，當然是迎接久違了的味道，那碗牛肉麵的美味，實在令人不能忘懷。

於是叫了一個二人麵餐，選擇了紅燒牛肉牛筋麵、涼拌茄子、鹽酥雞及蒜蓉炒白菜。另外叫了一碗鹵肉飯及油燜荀。紅燒牛肉牛筋麵依舊好食，麵條煙靱彈牙，牛肉及牛筋都已燜得通透，質感軟滑，湯底濃郁，整碗也不錯，只是份量比以前細碗許多，數一數手指，上一次幫襯已是五年前，物價高企下，細碗了也是人之常情。

健味粥小廚

這間由健味豬創辦人開設的小廚，前身也是叫健味粥，不過唔知點解改了名叫健味粥小廚。之前他以自家養的鯇魚來煮粥，並且以無菌的健味豬來作食材，可是欣賞的人不多，現在改了名，希望可以增加客源。

呢幾日見喉嚨唔係幾舒服，前排又食得多煎炸野，想去食碗粥清一清腸胃，想起咁耐都未食過，於是係OPENRICE 搵，點知已結業，諗住行過去望下，點知又突然改了名重新營業，即時入去試下。

店內雖小，人客不多，點了鹵水豬脷、招牌及弟粥及魚腩骨粥，先上的是鹵水豬脷，鹵水味道尚算幾好，唔太咸，亦有一份鮮味，唯獨豬脷有D鞋口，用黎送粥唔錯。

大自然素食

呢排真係咩都會去食，但估唔到朋友既生日飯居然係食素，今次真的俾佢嚇了一跳，從來未試過生日飯係食素。另一方面，這間素食店又給了我們另類驚喜，大家無論從賣相，以致質感各方面，都不像在吃素，十分有趣，朋友果然有好介紹。

澤田小廚

呢排不斷尋找好食既大排檔或小廚，我既足跡終於到港島區了，千揀萬揀，找到了一間比較有特式的小廚，而且座落係近排勁hit既瀰月屋旁邊，今次就為左一嘗瀰月屋而到這裡一試，可是一試後，發現又是一間好野。

三木韓國料理

呢排無咩胃口，轉食刺激性野來增加食慾，韓國菜正岩口味。在尖沙咀內，有無數咁多間韓國料理店，有平、有貴、有平民、有高尚，適隨專便。而三木係當中算是一間比較大型的韓國料理店，位於堪富利士道內的一幢大廈的2樓，以賣傳統韓食為主。

打開餐牌，花多眼亂，每樣食物的圖片盡入眼簾，一時之間也定不了案，唯有從最簡單又最多人食的食物埋手，韓式炒年糕、燜牛肋骨、石頭窩飯、海鮮煎蔥餅、牛什清湯。起初以為份量，需要再order，可是食完後，大家也飽上心口。

最欣賞韓式炒年糕，紅噹噹，加上少許綠色及黃色，顏色美麗，味道更加一流，甜中帶辣，當中有一片片啡色的食物，其實就是韓式魚蛋，當所有材料拌以辣醬炒後，配以煙煙靱靱的年糕再炒，實在增加不少食慾。

另一推介是炆牛肋骨，所有牛肋骨已經炆得入哂火喉，軟滑無比，最重要係有牛肉味，配料亦相當入味及稔身，成枱人反而爭相搶吃蘿蔔，連平時唔食蘿蔔的我都加入戰團，可想而知，是那麼好味。最後連醬汁也給朋友伴飯吃清光。

略嫌海鮮煎蔥飯不夠多材料，而且海鮮分佈唔平均，一塊可以好多，另一塊可能好少。但煎到脆邊的餅確實係好味，沾上特製的辣法，令味道更加突出。

雖然石頭窩飯好多地方都有得食，可是這個什綿石頭窩飯就真係正，材料多之餘，石頭窩亦好夠熱，不消一會，已經有一層層薄薄的飯焦形成，實在非常脆口。加上侍應純熟的技術，已經將所有材料及醬汁與飯拌勻，每一啖都有均勻的材料非常美味。

最後，以一個韓式牛什湯作結，但好可惜，全晚唯一失望之作。雖然未食過真正的韓式牛什湯，但這個味道好淡，而且牛什好靱，一D都唔好食。

其實這裡的前菜都唔錯，有八小碟，唔夠可以refill，其中最欣賞那碟薯仔，夠入味，又夠稔身，食落粉粉地，唔錯。

另外有一碟醋青菜，絕對係開胃口的良好前菜，入口酸酸地，湯出微微的辣，而且青菜仲好爽脆，正，食完後，胃口大開。

不要看輕這碟銀魚仔，係一D都唔腥，而且仲好鮮味。

埋單前，會有水果供應，幫助消化，是晚每人也是百六蚊左右，價錢不貴，食物質素好，是一間可以得閒來食的韓食店，下次必定要試下韓燒先得。

地址：尖沙咀堪富利士道12-16號宏貿發展大廈2樓

Pepper Lunch

雖然Pepper Lunch的熱潮已過，可是仍然吸引好多人幫襯，最新的一間應該是開在九龍灣UNY的PAIGO內。現在這裡還不是有太多顧客，所以等候時間都是比較短，而住在附近的朋友又可以成日去食，真係有福。

相比以前，我至喜愛的黑椒牛肉飯有了改變，牛肉的份量慢慢地減少，應該是整體份量也有所下降才對，不過亦無打消去食的念頭，一來味道好，二來有鐵板俾自己炒的概念，足以彌補不能去stone grill的念頭，一舉兩得。

新年快樂

各位新年快樂，祝大家今年可以搵大錢，食好野，身體又健康！

蘭苑饎館

新年就快到，大家都各自忙著辦年貨，蘿蔔糕呀、年糕呀，唔同款式的應節糕品也大賣，蘭苑饎館此時也大排長籠，因為好多客人也訂了糕，攪到人頭湧湧。但今次不是講買年糕，而是叫餸食飯，貪佢地老火湯夠火喉，餸菜清清地，等腸胃可以休息下來迎接新年。

兩個人都叫了一人套餐，素聞這裡的自選煲仔菜有水準，可是由於今日要食得清清地，放棄了煲仔菜，緣慳一面。最後，叫左簡單的咸蛋蒸肉餅及梅子蒸鱔，配以蠔油蔬菜及老火湯，實在完美。

老火湯係菜乾煲豬展，一睇顏色就知絕對夠哂火喉，順口清甜，絕對有下火之用。

麵屋一平安

講起拉麵，怎可以沒有麵屋一平安一份，這間已有十多年歷史的食店，慢慢地已經發展成四間分店，除了拉麵外，還有很多食物：如串燒、小食、燒餅等等。整間舖以居酒屋為題裝修，地方不算寬闊，但又不至於擠迫。侍應大多數都是日本人，點菜時，盡量需要以英語及日語為佳。

每枱客人入座時，都會有一兜前菜，以一些漬物為主，有濃香的木魚醬汁味，材料有竹輪、蘿蔔絲等等，味道可口。叫左小食、串燒及拉麵，有一樣食品必要推介 - 醋生蠔，實在非常好味。大約有5-6隻生蠔，每隻蠔都肥美飽滿，醋汁的味道令人難以忘懷，酸酸的醋加入木魚醬汁，估計再以少許味淋混合，有少少酒味，必食。

龍鳳廚坊

龍鳳廚坊係我第一篇係Openrice得到讚賞的編輯推介食評，亦因此得到了許多人的認同及讚賞，所以對這間真的情有獨鍾。

前篇食評：http://hk.myblog.yahoo.com/zysk-c/article?mid=1411

再次到來此處，當然少不了食招牌菜，今次更加盡量食多D之前未試過既餸，今日一行六人，都叫左十一個餸，一個湯，味道依舊好味，完全滿足。燉湯依舊非常清甜，今次的豬肺終於是白色的了，沒有上次黑色的豬肺。

頭盤四個，分別係青瓜脆腸、醬拌茄子、虎皮尖椒及普寧鹽水炸豆腐。青瓜脆腸沒有下食用色素，白雪雪，爽脆清新，墊底的青瓜更加係鮮甜無比，配上特製的醬汁，令人一試難忘。